එකවරක් බැලූ පමණින්ම නොපෙනෙන
සිඟිති තාරකා කොතරම්
රෑඹරේ දිලෙනවාද?
තිමිර සළුව ඉරාගෙන එබෙන
සඳළිය තරම් නොවුණත්
දිලි දිලී නිවෙමින්
ඒ තරු මවන රටාවන්
සඳ තරම්ම ලස්සන නැද්ද?
සඳ පැහැදිලිය
බැලූ පමණින්ම දිස්වේ
ලස්සනද උපරිමය
ඒත්,
සඳ දිහා නොව
හොඳින් බැලුවොතින් පමණක් පෙනෙන
පුංචිම පුංචි ඒ තරු දෙස බලා
සැනසෙන හිත් කොච්චරක් නම් ඇතිද?
පුදුමය නම්
ඒ සිඟිති තරු පිපෙන්නෙත්
ඝන කළුවර අහසෙ වීමයි.
මුතු පබා
2012.08.06