Posted in
Labels:
Sinhala,
කවි
|
Wednesday, April 21, 2010
දේදුන්නෙන් මන පාට ගෙනැල්ලා
හිනැහෙන්නට මල් සරසන්නා
සමනලයෝ පොඩි මෙහෙට වරෙල්ලා
රංචු පිටින් දැන් පියාඹලා
මල් වගෙ ලස්සන පුංචි ළමෝ
පිනවන්නයි ඉගිලෙන්නෙ බබෝ
මලින් මලට ගොස් රොන් ගන්නෝ
රංචු පිටින් දැන් ඉගිලෙන්නෝ
තුරුලිය මල්ගොමු මගෙ උයනේ
ලස්සන සිරියෙන් නැලවෙන්නේ
සමනලයෝ නුඹ නොදැක්ක සේ
අහක බලා කිම ඉගිලෙන්නේ
නෙක නෙක මල්ගොමු මං රසවිඳිනවා
මල්පොඩි නොතලා ඉන් පැණි උරනවා
පොඩි ළමයෝ නුඹ බලන්න එනවා
සිරිපා වඳින්න සමනල යනවා
මුතු පබා
2006.08.21
Posted in
Labels:
Sinhala,
කවි
|
Saturday, April 10, 2010
සිතපුරා සුපිපුණු
සුවඳ සෙනෙහේ මල
වේදනාවෙන් දැවෙන්නේ
නුඹ පමණක්ම නොව
තිමිර වළා දෙපළු කර
රත්රන් හිරුකිරණ
ජීවිතය ඇබිත්තක්වත්
එළිය කරනතෙක්
තැවෙන්නේ....
නුඹ පමණක්ම නොව
දරාගන්නට නොහැකිව
අහස පොළොව අතරට
මුසුවෙන....
බරැති සුසුම් රැලි
නුඹගේ පමණක්ම නොව
බොඳවගිය නෙත් තුළින්
ගගනත කුසුම් දෙස
බලා ඉන්නේ....
නුඹ පමණක්ම නොව
සුළඟත එවන
පියාඹන හාදුවල කැටිවුණ
නිමක් නොවනා ආදරය
දැනේදැයි ලතවෙන්නෙ
නුඹ පමණක්ම නොව
”සොඳුර....
නුඹ මගේ පණ නලයි
මගේ මුළු ජීවිතයයි”
කියා සිතනුයෙ ද....
නුඹ පමණක්ම නොව
මුතු පබා
2010.04.10
Posted in
Labels:
Sinhala,
කවි
|
Thursday, April 08, 2010
Posted in
Labels:
Sinhala,
කවි
|
Saturday, April 03, 2010
සමනලී සමනලී
මගේ විතරයි නුඹ සමනලී
හිරු දේවිය හිමි නුඹට විතරද
සඳ දෙව්දුව හිමි නුඹට විතරද
රෑ සමනලී මං
නුඹට විතරක් හිමි නොවේ
සල්ලාල බඹරෙකු ලෙස
මා නොදකින්න
ගින්දරකි මට දැන්
වරක් කෙරූ පව
සමනලී මට සමාවෙන්
නුඹ මගේ වී
පෙමින් බැඳෙන්නට
නැත මට අවසර
ඇස් මස් ඉස් මගෙ
දන් දී ඇත මා
රෑ සමනලී මං
නුඹට විතරක් හිමි නොවේ
සෙනෙහස අඳ නොවෙ
දෙනෙත විවර සඳ
වාවනු නොහැකියි
නුඹෙ අසරණකම
සමනලී මට සමාවී
මගේ විමානෙට යමු ඉගිලී
මං සිරකාරිය දැන් සිරකාරිය
සම්මතය සිරගෙදර
ඇසුවොතින් මධු වදන්
මතුදාත් අපහාස සිරගෙදර
රෑ සමනලී එවිට මං
නුඹට විතරක් හිමිනොවුණ
මුතු පබා
2009.01