Posted in
Labels:
Sinhala,
කවි
|
Friday, January 07, 2011
Posted in
Labels:
Sinhala,
කවි
|
Saturday, January 01, 2011
නැවුම් සුවඳ මිහිමත හොඳින් සිපගන්න
සහනයෙ අරුණැල්ල නොඅඩුව විහිදෙන්න
නව වසරේ පියගැටපෙළ නැග යන්න
ඝනදුර වළා දුරු වී සඳළිය බේරෙන්න
ලය තුළ බුරන ගින්නට සිත යොමුවෙන්න
බැහැරට ඇවිළි ගිනි දෙවනුව දකින්න
ජීවිතය අනියතය අවබෝධය ඇතිවෙන්න
ඇටකටු පවා පස් වන වග තේරෙන්න
උතුර දකූණ දෙකොණ එකට යාවෙන්න
කුල මල ජාති ආගම් බේද දුරුවෙන්න
සැම දන රුහිර රක්තය වග වැටහෙන්න
අප දහදිය කඳුළින් සිරිලක සරුවෙන්න
මිතුදම් සොයුරුදම් සමගින් පිබිදෙන්න
පිය පුතු දුවා සෙනෙහෙන් නැහැවෙන්න
කෙලෙස් කසට මිලිනව මනුදම් සුපිපෙන්න
ලතෙත් ගුණ වැඩුමට නුවණැස පෑදෙන්න
සාමයෙ සිළුව පළමුව සිත දැල්වෙන්න
එමගින් අවට වට පිටාවම එළිවෙන්න
සිරිලක් ධජය නිවහල් සුළගෙ ලෙලදෙන්න
මෙය පැතුමකට නොවි සීමා ඉටුවෙන්න
මුතු පබා
2007.12