වසන්තය ආවා ගියා
ඉරට හොරෙන් හඳට හොරෙන්
ඇවිදින් නුඹ මගේ ළඟට
මටත් නොකිය හොරෙන් ගිහින්
පෑල දොරින් දුර ඈතට
රෝස ලපලු නැලවි නැලවි
හිනැහෙනවා අරුණැල්ලට
ලා හිරු කැන් නැති බව මට
කියයි සුළඟ වැදී ගතට
පිණි බිංඳුත් දිලිසි දිලිසි
සරසනවා නීල පලස
මට අහිමි වු වසන්තයේ
හත් පාටත් උදුර ගෙනම
බටිති මලිති සූටික්කියො
ගී ගයන්නෙ උජාරුවට
උන්ගෙ විහඟ ගීත වලට
දුක දැනෙනා බව දැන දැන
සුවඳ මලට හාදු දෙන්න
සමනළයින් ළං වෙනකොට
සුවඳ මගෙන් හංඟනවා
නේක කැකුළු නක්කලේට
මී මැස්සන් පැණි මවනවා
දෙබරෙ ඇතුළෙ වෙවී දබර
සරදම් දෙයි ගුමු ගාමින්
අහිමි මගේ වසන්තයට
මුතු පබා
2007.08.07
(ලංකාවිත්ති - 2010 පෙබරවාරි කලාපය)
Read Users' Comments (3)
