skip to main |
skip to sidebar
Posted in
Labels:
Sinhala
|
Friday, May 08, 2020
මල් පුරවගත් වසන්තය මැද
මංමුළා වුණ සිහින ගොමුවකි
සිතිජ මායිමත් පහුකරන් දුර
සුවඳ විසිකර තටු සලා යන
අගුළු ලාගත් හිතක පිළිඹුවෙ
කඳුළු වස්සන විටදි රිදවුම්
අනන්තයටත් එහා දුර ගිය
හඬකි පැටළුන වසත් ගීතය
මතකයෙන් පා නොවුන මතකය
පාට බොඳවී පාළු සිත යට
නෙතට තනිරැක ඉකි ගසද්දී
කොහොම කරනවද සිතිජය පාට
2020.05.07
Posted in
Labels:
Sinhala
|
Sunday, May 03, 2020
හදිසියෙන්ම,
කවක් ලියන්නට සිතුණි.
දවස් ගණනක්ම මිලිනව තිබූ
කවිසිත පුබුදලා-
කවක් ලියන්නට හදවතට
ඕනෑමය.
සිතුවිලි තෙරපෙයි
පදවැල් පෑන් තුඩින්
ගිලිහෙන්න,
අසිහියෙන් මෙන් දඟලයි.
මේසය මත වැතරිච්ච
කටු අකුරු පොත ද,
පුන පුනා බලාසිටියත්
කවක් නම් නැත ලියවුණේ-
නොලියවුණු කවිය,
තවත් කවියක් මැව්වාම විතරයි.
2007.02.28
