කව්මුතු

නොනිදන ගිම්හානය

Posted in Labels: Sinhala, කවි | Monday, July 15, 2013

ඔරලෝසුවේ හැටියට නම්
මේ දැන් මහ රෑය.

ඒත් හිරු තවම
ඇලවී අහස මත.
ගැලවෙන්නට නොහැකිව;
ඇස් අයා බලා හිඳිනා
පුෂ්පයන්ගෙන්!

මුතු පබා
2013.07.15

Read Users' Comments (1)comments

සිහිනය

Posted in Labels: Sinhala, කවි | Thursday, July 11, 2013

හිරු සඳුට හොර රහසෙ
අතක නුඹෙ එල්ලිලා
පබසරා දෙනෙත පොඩි
නුඹ වෙතට යොමු කරල
අනන්තය වෙත යන්න
නුඹෙ ළඟින් පා තබා
මැව්වාය සුපෙම්වත්
සිහිනයක් මං එදා

හිත මිතුරු පවන් රොද
අප ළඟින් දැවටෙද්දි
සුපිත වන මල් කැකුළු
සුළඟ හා නැලවෙද්දි
හරිත දම් ලපලු පොඩි
කැකුළු හා හිනැහෙද්දි
මැව්වාය සෙනෙහෙබර
සිහිනයක් මං එදා

ඟගමිණිත් බැබළෙනා
සසදරත් දිදුළනා
කැකුළු මල් කිසල් පොඩි
තවම ඔහෙ හිනැහෙනා
කුරුළු රෑන් පෙර ලෙසම
කිචි බිචිය දී ඉගිලෙනා
සිහිනය පමණක්ම
මුණිවත රකිනවා

මුතු පබා
2006.07.22

Read Users' Comments (2)